San Giovanni Battista
patrono di Gizzeria

San Giuanni mia gloriuszu chi si patra de carita.
Tu ci aiuti e ci difhendi alli nostri necessità

   Evviva a San Giuanni. Ch'edi nostru prutettura
   E nostru redentora cu la sua, la santità.

San Giuanni mia benignu Prutettura de questu regnu
Prega a Dia cha nde ssi degnu Terremoti nun cci nde regna

   Evviva a San Giuanni Chedi nostru prutettura
   E nostru redentora cu la sua, la santità.

Ce volia na trunba d'oru ppe lodara ssu triszoru
ppe lodara ssu granda Santu Cha san Giuanni si merita tantu

   Evviva a San Giuanni Chedi nostru prutettura
   E nostru redentora cu la sua, la santità.

Aza l'occhi o peccatura. Veni in vucia o mia Signora.
U Signora sta sdegnatu ppe li nostri gran peccati

   Evviva a San Giuanni Chedi nostru prutettura
   E nostru redentora cu la sua, la santità.

Populu mia fhai penitenza. Populu mia un peccara chhiù
C'è san Giuanni chi ce pensa ppe lodara lu sua Gesù

   Evviva a San Giuanni Chedi nostru prutettura
   E nostru redentora cu la sua, la santità.

San Giuanni è nu granda Santu chi de Dia è amatu tantu
È amatu onnipotenta fhapara i porti alla provvidenza

   Evviva a San Giuanni Chedi nostru prutettura
   E nostru redentora cu la sua, la santità.

San Giuanni mia gloriuszu chi si patra de carità
Tu ci aiuti e cci difhendi alli nostri necessità.

   Evviva a San Giuanni Chedi nostru prutettura
   E nostru redentora cu la sua, la santità.

San Giuanni mia dilettu alla casa mia t'aspettu
ppe la tua decollaziona dunami pacia e consulaziona

   Evviva a San Giuanni Chedi nostru prutettura
   E nostru redentora cu la sua, la santità.