Queste le scrivo in dialetto perché fanno parte
della cultura più intima del nostro paese.
Nelle sezioni: tradizioni religiose,
superstizioni e
storie e leggende potrete trovare
maggiori dettagli.
- Icica si n'ominu coglia u scupulu, tena sulu fhigli
fhimmini.
- A notta do' Bambinellu, i nimali parranu. E' megliu
mu i civi, ca sinnò ti ponu mandara jestimi.
- Icica a Santa Fhemia ce fhoza u terremotu peju e Jazzaria,
pecchì mangiaru carna u vennari.
- U passu a zita si chiama ccussì, ca na vota
cce cadiu na zita.
- Quandu dormi u monachellu vena e ti cugliunija, si
ce piji u capucciu ti fha trovara na pignata e dinari,
ma un ti nde vidi bena.
- E' meglio ppe nomu cogli i pumadori e l'alivi da giarra
quandu c'è u levanta, megliu mu aspetti u libicia.
Un coglira i pumadori quandu c'è a luna nova
- U pana è a fhaccia d'o Signura, vo sempra votata
da bbanda e' supra.
- Liga nu pannu russu quandu a fhravicara, cussì
si ricoglia l'affascinu.
- A Jazzaria tutti tenanu nu njuru.
- Quandu vai a trovara una chi ha accattatu nu cotraru,
sputa e diccia "curnutellu!" ca sinnò
a'affascini.
- Quandu vidi a rrobba bella, dicia "Benedica"
ca sinnò a'affascini.
- Si mentra cacci a'affascinu, aliji, vo ddira ca c'anu
jettatu u picchju. U picchju u po cacciara puru a na vestitura.
- Chilli e fhora dicianu "Jezzarotu, menza fhida".
- Si na mamma ti jestima ccu i minni e fhora è
megliu ppe nomu era natu.
- Icica nu galantominu vrujava i carti e decia liri ppè
appizzara i sicarri e s'arridduciu alla limoszina.
- U gabbu coglia, a jestima no.
- Icica na vota i genti jianu a fatigara a'Angitola a
ppeda ogni jornu.
Se ne conoscete delle altre non esitate a inviarmele,
è bene scriverle prima che nessuno le ricordi più.
